ආයතන අංශය
යක්කලමුල්ල ප්රාදේශීය ලේකම් කාර්යාලයට පැමිණෙන්නේ කෙසේද?
- ගාල්ල නගරයේ සිට, ගාල්ල උඩුගම මාර්ගයේ 20 km ක් පමණ පැමිණ, මාකුඹුර හන්දියෙන් දකුණට 750m පැමිණි විට රමණීය කදුගැටයක පිහිටා ඇති යක්කලමුල්ල ප්රාදේශීය ලේකම් කාර්යාලයට ලගා විය හැකිය.
ග්රාම නිලධාරි වසම් අංක පිළිබඳ විමසීම
- මෙම කොට්ඨාශය ග්රාම නිලධාරී වසම් 44 කිින් යුක්තය. ග්රාම නිලධාරී වසම් අංක පහත පරිදි වේ
-
176, කොට්ටව
176 ඒ, නැවුංගල
176 බී, කොට්ටව බටහිර
176 සී, කොට්ටව නැගෙනහිර
176 ඩී, නැවුංගල දකුණ
177, තෙල්ලඹුර පහළ
177 ඒ, තෙල්ලඹුර ඉහළ
177 බී, නාවල
177 සී, යක්කලමුල්ල
177 ඩී, යක්කලමුල්ල /නැ.
177 ඊ, තෙල්ලඹුර උතුර
177 එෆ්, තෙල්ලඹුර දකුණ
178, කරාගොඩ
178 ඒ, නබදව
178 බී, මොරකැටිය
178 සී, කරාගොඩ පහළ
178 ඩී, යටමලගල
178 ඊ, කරාගොඩ ඉහළ
178 එෆ්, ගහලකොලදෙණිය
179, උඩුමලගල
179 ඒ, නාකියාදෙණිය
179 බි, වත්තහේන
179 සී, නාකියාදෙණිය උතුර
179 ඩී, වතෝගල
179 ඊ, නාකියාදෙණිය ඉහළ
180, පොල්පාගොඩ
180 ඒ, බෙරණාගොඩ
180 බී,පොල්පාගොඩ /බ
180 සී, හිරියමල්කුඹුර
180 ඩී, කළුදියවල
181, වල්පොල
181 ඒ, වල්පොල පහල
181 බී, වෙළෙන්දාව
181 සී, බදුංගල
182, මාගෙදර
182 ඒ, උඩුඇල්ල
182 බී, මාගෙදර උතුර
182 සී, ඇල්ලඉහල
182 ඩී, මාගෙදර / නැ
182 ඊ, රතඹලකැටිය
183, තල්ගම්පල
183 ඒ, උඩුබැට්ටව
183 බී, තල්ගම්පල උතුර
183 සී, උඩුබැට්ටව/ බ
ව්යාපාර නාම ලියාපදිංචි කිරීමේදී අයිතිකරු පැමිණිය යුතුද?
- මේ සදහා අදාල ව්යාපාරයේ හිමිකරු පැමිණීම අනිවාර්ය වන අතර ජාතික හැදුනුම්පතද රැගෙන ආ යුතුය.
මරණයට පත් තැනැත්තෙකුගේ බැංකු ගත මුදල් හා උකස් තබන ලද භාණ්ඩ සම්බන්ධ කටයුතු කිරීමේදී රැගෙන ආයුතු ලේඛන මොනවාද?
- මියගිය තැනැත්තාගේ මරණ සහතිකය
- අයදුම්කරුට ඇති නෑකමට අදාල ලේඛන (උප්පැන්න සහතික, විවාහ සහතික)
- වෙනත් සාමාජිකයන් සිටී නම් අයදුම්කරුට මුදල් හෝ භාණ්ඩ ලබා දීමට ඔවුන්ගේ විරෝධතාවයක් නොමැති බව දිවුරුම් ප්රකාශන
- ජාතික හැදුනුම්පත.
විදුලි බිල්පත් නම් මාරු කිරීමේදී ගෙන ආයුතු ලේඛන මොනවාද?
- විදුලිය ලබා ගැනීමට අදාල ස්ථානයේ අයිතිය සනාථ කරන ඔප්පු
- නිවාස සංවර්ධන අධිකාරියෙන් හෝ නගර සභාවෙන් ඉදිරිපත් කරන ලද අයිතිය තහවුරු කරන ලිපිය
- ජාතික හැදුනුම්පත
කොස් ගස් කැපීමේ බලපත්ර සම්බන්ධ පොදු උපදෙස් මොනවාද?
- අදාල අයදුම් පත්රය ග්රාම නිලධාරීගෙන් හෝ ප්රාදේශීය ලේකම් කාර්යාලයෙන් ලබා ගත යුතුය.
- අදාල අයදුම්පත සම්පූර්ණ කර, ග්රාම නිලධාරී විසින් සහතික කරන ලද ඉඩමේ ඔප්පු පිටපත හා පිඹුරු පිටපත අමුණා තිබිය යුතුය.
- සින්නක්කර ඉඩමක් නම් මෑතකදී ලබා ගත් පත් ඉරු විය යුතුය.
- ඉඩමේ හවුල්කරුවන් කිහිපදෙනෙක් සිටීනම් ඔවුන්ගේ කැමැත්ත සහිත ලිපි ග්රාම නිලධාරී සහතික කොට අමුණා තිබිය යුතුය.
- අයදුම් පත්රය භාරගත් බවට ග්රාම නිලධාරී විසින් අදාල අයදුම්කරුට ලිඛිතව දැන්විය යුතුය.(අයදුම් පතේ ඇති කොටස)
- ග්රාම නිලධාරී වෙත භාර ගන්නා අයදුම් පත්රය නිසි පරිදි පරික්ෂා කොට බලා අදාල කේෂ්ත්ර කටයුතු නිම කර, අයදුම් පත්රය භාරගත් දින සිට එළඹෙන බදාදා දින ප්රාදේශීය ලේකම් කාර්යාලයට භාර දිය යුතුය.
- අදාල පරීක්ෂාවෙන් පසුව ගැටළු සහිත අයදුම් පත්ර එම අවස්ථාවේම ග්රාම නිලධාරී විසින් ප්රතික්ෂේප කර අදාල අයදුම්කරුවන් දැනුවත් කළ යුතු අතර, අසම්පූර්ණ හා ගැටළු සහිත අයදුම් පත්ර ප්රාදේශීය ලේකම් කාර්යාලයට යොමු නොකිරීමට ග්රාම නිලධාරීන් වගබලා ගත යුතුය.
- ග්රාම නිලධාරින්ගේ නිර්දේශය සහිත අයදුම්පත්රය ග්රාම නිලධාරී භාරගත් දිනට එළඹෙන බදාදා සිට, සති 02 ක් ඇතුළත බලපත්ර සකස් කර නැවත ග්රාම නිලධාරී වෙත පමණක් භාර දෙනු ලැබේ.
- අයදුම්කරුවන් අදාල බලපත්රය ග්රාම නිලධාරී වෙතින් ලබාගත යුතු අතර ප්රාදේශීය ලේකම් කාර්යාලයට පැමිණිය යුතු නොවේ.
සමාජ සේවා අංශය
ගර්භණී මව්වරුන්ට ලබා දෙන රු. 20,000/= පෝෂණ දීමනාව ලබා ගන්නේ කෙසේද?
- ගැබ් ගෙන මාස 3ක් ඉක්මවීමට පෙර ඔබ සහභාගී වූ මාතෘ සායනය අයත් ප්රාදේශීය ලේකම් කාර්යාලයේ මුල් ළමාවිය සංවර්ධන නිලධාරී හෝ මෙම වැඩසටහන ක්රියාත්මක කරන නිලධාරියාගෙන් අයදුම්පතක් ලබා ගත හැකිය.
අධ්යාපන ආධාර ලබා ගත හැකි අය කවුරුන්ද?
- දරුවන්ගේ පියා මියගොස් ඇති හෝ සුව කළ නොහැකි ආබාධයකින් පෙළේ නම් පාසැල් යන දරුවන්ට ශිෂ්යාධාර ලබා ගත හැකිය.
රාජ්ය නොවන සංවිධානයක් ලියාපදිංචි කරන්නේ කෙසේද?
- ආරම්භ කර වසරක් ඉක්ම වූ රාජ්ය නොවන සංවිධාන ලියකියවිලි ලබා දීමෙන් පසුව ලියාපදිංචි කරනු ලබයි.
සමෘද්ධි ප්රතිලාභය අලුතින් ලබා ගත හැකිද?
- දැනට නව ප්රතිලාභීන් තෝරා නොගන්නා අතර ඉදිරියේදී සලකා බැලීම සදහා අභියාචනා භාර ගනු ලැබේ.
අතිරේක දිස්ත්රික් රෙජිස්ට්රාර් අංශය
උප්පැන්න හෝ විවාහ හෝ මරණ සහතිකයේ පිටපත් ලබා ගන්නේ කෙසේද?
- උප්පැන්න හෝ විවාහ හෝ මරණ සහතිකයේ අංකය හා දිනය දන්නේ නම් රුපියල් 100ක්ද,
- උප්පැන්න හෝ විවාහ හෝ මරණ සහතිකයේ අංකය හා දිනය නොදන්නේ නම් රුපියල් 200ක්ද ප්රාදේශීය ලේකම් කාර්යාලයට ගෙවා සහතික පත් ලබා ගත හැකිය.
- මෙහිදී කොළඹ දිස්ත්රික්කයේ සිදු වූ උපතක් හෝ විවාහයක් හෝ මරණයක් නම් පමණක් කොළඹ ප්රාදේශීය ලේකම් කාර්යාලයෙන් අදාල සහතිකපත් ලබා ගත හැකිය.
උපත් ලියාපදිංචි කරන්නේ කෙසේද?
- සාමාන්ය උපතක් ලියාපදිංචි කිරීම සඳහා උපත සිදු වී මාස තුනකට කලින් අදාළ කොට්ධාශයේ උප්පැන්න ලියාපදිංචි කිරිමේ රෙජිස්ට්රාර්වරයකු මුණ ගැසී උපත ලියාපදිංචි කර ගත යුතුය.
- මාස තුනක් පසුවූ උප්පැන්න ලියාපදිංචි කිරීම සඳහා අතිරේක දිස්තික් රෙජිස්ට්රාර් මුණ ගැසී අදාළ තොරතුරු ලබා ගන්න.
විශ්රාම වැටුප් අංශය
සිවිල් විශ්රාමිකයා මිය ගිය පසු වැන්දඹු අනත්දරු විශ්රාම වැටුප සාදා ගන්නේ කෙසේද?
- පළමුව විශ්රාමිකයාගේ මරණ සහතිකය ලබා ගෙන විශ්රාම වැටුප නතර කිරීම.
- වැඩිපුර මුදලක් තිබේ නම් එය ගෙන්වා ගැනීමට බැංකුවට ලිපි දැමීම.
- පසුව අදාල පුද්ගලයා පහත සඳහන් ලිපි ලේඛන රැගෙන එන ලෙස දැනුම් දීම.
- විශ්රාමිකයාගේ මරණ සහතිකයේ මුල් පිටපත
- වැන්දඹුවගේ උප්පැන්න සහතිකයේ මුල් පිටපත
- විවාහ සහතිකයේ මුල් පිටපත
- වැන්දඹුවගේ බැංකු පොතේ ඡායා පිටපතක්
- වැන්දඹුවගේ හැදුනුම්පතේ ඡායා පිටපතක්
- වැන්දඹු අනත්දරු කාඩ්පතේ ඡායා පිටපතක් හෝ වැන්දඹු අනත්දරු අංකය
- ග්රාම නිලධාරි විසින් සහතික කරන ලද පාස්පෝට් ප්රමාණයේ වර්ණ ජායාරූපයක්
- ඉහත ලියවිලිවල ඡායාපිටපත් සියල්ල ග්රාම නිලධාරී විසින් සහතික කල යුතුය.
- අනතුරුව ඔවුන් අදාල තොරතුරු ලබා දුන් පසු ලිපිගොනුව රැගෙන වැන්දඹු අනත්දරු විශ්රාම වැටුප සෑදීමට අවශ්ය කටයුතු කිරීම.
විශ්රාමිකයින්ගේ විශ්රාම වැටුප නතර කර ඇත්තේ ඇයි?
- අදාල වර්ෂය සඳහා ජීවිත සහතිකය ලබා නොදීම නිසා විශ්රාම වැටුප නතර කිරීම.
- විශ්රාමිකයා පැමිණි පසු ජීවිත සහතිකය ලබා දීම හා ග්රාම නිලධාරී මහතා ලවා සහතික කර රැගෙන එන ලෙස පැවසීම.
- පසුව නැවත ජීවිත සහතිකය භාර දුන් පසු විශ්රාම වැටුප යාවත්කාලීන කිරීම.
වැන්දඹුව මියගිය පසු විශ්රාම වැටුප උරුමකරුවන්ට ගෙවන්නේ නැත්තේ ඇයි?
- වැන්දඹු අනත්දරු විශ්රාම වැටුප් පනතට අනුව වැන්දඹු අනත්දරු විශ්රාම වැටුප් මුදලට හිමිකම් ලැබූ පුද්ගලයෙක් මිය ගිය පසු එකී පුද්ගලයාට හිමි විය යුතු වැටුපක් හෝ හිඟ මුදලක් ඇත්නම් එම මුදල් ඔවුන්ගේ උරුමකරුවන් වෙත ගෙවීම සඳහා නෛතික ප්රතිපාදන නොමැති බව පහදා දීම.
